مشكلة اسلام جابر مع سامسونج مصر معندهمش ضمان
السلام عليكم ورحمة الله وبركاته مرحبا بكم في مدونة ال جابر تكنولوجي موضوعنا اليوم هو آخر تطورات سامسونج مصر مع اسلام جابر الجزء الثاني من مشكلة اسلام جابر مع سامسونج مصر.
آخر تطورات مشكلة اسلام جابر مع سامسونج مصر
دخلت علي الجروب لقيت عميله عندها نفس المشكلة في الشاشة ال55mu7350 الشركة قالت لها هنأخد منك البييظه هنوديها مصنع بني سويف المصنع رد عليها وقال لها عيب مستخدم بس مدام الشاشة جتلنا هنصلحها.
مكالمة اسلام جابر بينه وبين سامسونج مصر
كلمت سامسونج وقلت لهم ازي عميله عندها نفس المشكلة بتعتي وتقولو لها عيب مستخدم وبعد كده تحلوها ليها مشكلتها تتحل وانا لاء.
قالو لي ديه مشكله وليها ظروفها قفلت معهم المكالمة علي كده وكالعادة لا حياة لمن تنادي
الحوار الذي حدث في مقر رايه
روحت فرع رايه قبلت مدير الصيانة حكتله المشكلة قال لي هجيب الفيديوهات اتفرج عليها بعد ما شاف الفيديوهات قال لي لا ده عيب مستخدم قولت له في عميله حصل معاها نفس مشكلتي واتحلت قال لي انتظر ارجع لسامسونج كلم سامسونج قالت له ابعتلنا المشكلة بتعته عن طريقك بالفعل بعت المشكلة بتعتي علي الايميل التابع لسامسونج.
كلموني بعد ثلاثة أيام قالو لي عيب مستخدم واقصي حاجه هنعملهلك خصم 25% قولت لهم في عميله مشكلتها اتحلت. قالو لي مش فرض زي محلينا لغيرك نحللك.
قولت لهم لاء فرض زي محلتوا لغيري تحلولي وفي الاخر موصلتش لحل معاهم.
قالو لي عيب سوء تخزين.
قولت لهم انا اعمل اه الان.
قالو لي مش مشكلتنا.
قولت لهم ولا مشكلتي هو عيب مستخدم ولا سوء تخزين ومعلش انتم اللي تحلو مش انا وكالعادة موصلتش لحل.
الحوار الذي حدث داخل مقر سامسونج مصر
روحت مقر سامسونج مصر قابلت موظفه تكلمت معايا اكثر من ساعه ونصف كل اللي وصلنا له انت ليك عندنا 25% خصم.
قولت لها في عميله انتم حلتولها موضوعها.
قالت لي هي لها ظروف خاصه علي العموم انا هدخلهم الإدارة فعلا دخلت ورجعت قالت لي احنا سنحللك حل حلو اوي. قولت لها تفضلي قالت سنعملك خصم50% علي الصيانة.
قولت لها ده مش حل وبعد مشده كلامية في مهندس جاء أتكلم معايا وقال لي اقصي حاجه هنعملهلك خصم50% علي الصيانة.
قولت له اطلب الشرطة جه امين شرطه قال عايز اعمل محضر.
لقيت شخص من سامسونج قال لي عاوزك بعد اذنك.
قولت له اتفضل قال لي ال50%هنحولهملك فلوس وتأخذ بيهم منتج من سامسونج.
قال لي كلمتين لازم اقولهم لو اتعمل محضر انت ستخسر واحنا سنخسر احنا سنخسر سمعه وانت ستخسر ال5800 جنيه فرجاء نحل قولت له مفيش مشكله.
فا امين الشرطة قال لازم اعمل محضر.
فالمهندس قال له لازم ننتظر المحامي انتظارنا والمحامي مجاش.
امين الشرطة قال ياجماعه مدام بلغته الشرطة لازم اعمل محضر.
قولت له اتفضل عملنا محضر بالفعل اختلاف علي البيع وتم الصلح انا مضيت والمهندس مضي ومشي امين الشرطة. المهندس قال لي خلاص يا أستاذ اسلام هنكلم حضرتك بعد ثلاثة أيام او تتصل بينا وتشوف حضرتك تريد موديل اه وتدفع الفرق.
قولت له انا اريد الشاشة تيجي لحد البيت وتتركب.
قال لي تحت امرك بالفعل كلموني بعد ثلاثة أيام قالو لي اسلام انت في جروب اسمه سامسونج مصر معندهمش ضمان انت بتعمل منشن ليه ودخلت علي عميله وعملت منشن ليها والكلام ده مينفعش وسامسونج بتبلغك ان قررها لاغي.
قولت لهم ليه لاغي قال لي هرجع لإدارة سامسونج.
وارجع اكلمك كلمني بعد ثلاثة أيام قال لي سامسونج بتبلغك ان قررهم لاغي.
قولت له قول لسامسونج قررهم بالنسبة لي لاغي.
قال لي عادي مفيش مشكله هبلغهم قولت له مع السلامة خلصت المكالمة علي كده.
من الاخر كده يسوموني علي الجروب وكرر نفس الجملة حقي هخده يعني هخده بالقانون
لقرأه الجزء الأول اضغط هنا
لمشاهدة الفيديو اضغط هنا
ملحوظه جريدة النبأ نشرت موضوع اسلام جابر لديهم لقرأته اضغط هنا
