الفرق بين الوان الهارد ديسك hard disk western digital بمعني لون الهارد ديسك هل وانا بشتري الهارد ديسك اشتري أي لون ولا كل لون ليه معناه هو ده اللي نقدر نفهمه اليوم ان شاء الله.
أولا اللي موجود في الأسواق المصرية الهارد الwestern digital تلاقي منه خمس الوان الأسود ، الأزرق ، الأحمر ، الأخضر ، البنفسجي.
مزايا الهارد الأسود واستخداماته
الهارد الأسود يتميز بخاصيه اسمها Dual Processor الخاصية ديه بتخلي اداءه عالي وسرعة النقل عالية.
يستخدم كأساسي في الجهاز لثباته في التشغيل والسرعة العالية وهو الأفضل لمحبي الألعاب ومصممي الجرافيك وممتاز جدا في عملية الإقلاع.
مزايا الهارد الأزرق واستخداماته
الهارد الأزرق من ناحية الكفاءة والسرعة والقوه هو اقل من الهارد الأسود لكن هو المفضل للمستخدمين لأنه يعطيني اللي انا اريده بسعر اقل بس بالنسبة لمصممي البرامج ومحبي الألعاب يشتغل معهم بس مش بنفس كفاءة الهارد الأسود.
مزايا الهارد الأخضر واستخداماته
الهارد الأخضر ده اده للتخزين او كهارد ثانوي لكن مش هارد أساسي ينزل عليه نسخة ويندوز لأنه عمره الافتراضي قليل ابطئ من الهارد الأسود والهارد الأزرق الكفاءة لديه مش عالية.
مزايا الهارد الأحمر واستخداماته
الهارد الأحمر هو هارد غير منتشر لأنه في الكفاءة والأداء زي الهارد الأخضر لكن اللي يميزه انه معمول خصيصا للسيرفرات لأنه يتحمل العمل بلا انقطاع.
مزايا الهارد البنفسجي واستخداماته
الهارد البنفسجي يتحمل العمل لفترات طويله ويستحمل درجات الحرارة العالية وفي خاصيه اسمها All Frame وظيفتها تقليل تقطيع الفيديو وهو الأفضل والانسب لكاميرات المراقبة وأجهزة المراقبة.
لمشاهدة الفيديو اضغط هنا
وبكده موضوعنا انتهي وهو الفرق بين الوان الهارد ديسك hard disk western digital اتمني تكونوا استفدتم السلام عليكم ورحمة الله وبركاته
