كيف يمكنني حل مشكلة اختفاء قائمة ابدأ في ويندوز 10 و 11؟
لو لقيت نفسك بتفتح الكمبيوتر ومفيش لا قائمة Start ولا شريط مهام، أكيد هتحس إن في كارثة حصلت، ودماغك هتروح على الفورمات. بس لحظة، لو بتسأل نفسك: كيف يمكنني حل مشكلة اختفاء قائمة ابدأ في ويندوز 10 و 11؟
فأنا جايبلك النهارده الحل النهائي واللي مش هتحتاج فيه لا فورمات ولا تنزيل نسخة ويندوز جديدة.
في المقال ده، هنمشي سوا خطوة بخطوة لحد ما نرجّع كل حاجة زي ما كانت، والموضوع بسيط جدًا لو طبقت اللي هقوله بالنص.
سبب المشكلة
في الغالب اللي بيحصل إن النظام بيعلق أو بيحصل فيه خلل بسيط، فبيخلي قائمة Start وشريط المهام يختفوا من غير سابق إنذار. وده بيكون بسبب:
- خلل في ملف الـ Explorer
- تهنيج أو ضغط على النظام
- تحديث جديد عمل مشكلة
خطوات استرجاع قائمة Start وشريط المهام في ويندوز 10 و 11
لو عايز ترجع كل حاجة زي ما كانت، كل اللي عليك تعمله هو الآتي:
الخطوة 1: افتح الـ Task Manager
دوس على الكيبورد Alt + Ctrl+ Delete
أو دوس كليك يمين على أي مكان فاضي في سطح المكتب واختار Task Manager
الخطوة 2: شغل CMD بالطريقة الصح
من داخل Task Manager، دوس على File
اختار Run new task
اكتب cmd واضغط OK
الخطوة 3: اكتب الأمر اللي بيرجّع كل حاجة
بعد ما تفتح شاشة CMD، دوس كليك يمين علشان يظهرلك الأمر تلقائي
الامر
reg delete HKCU\SOFTWARE\Microsoft\Windows\CurrentVersion\IrisService /f && shutdown -r -t 0
الأمر ده هو المسؤول عن إعادة تشغيل النظام بالطريقة اللي ترجّع قائمة Start وشريط المهام
متضغطش Enter غير لما تكون جاهز، لأن الجهاز هيعمل Restart
ملاحظة: الأمر ده سيبهولك فوق وهسيبهولك تحت في المقال، علشان تنسخه بسهولة.
بعد الريستارت – النتيجة
أول ما الجهاز يفتح تاني، هتلاقي:
- قائمة Start رجعت
- شريط المهام ظهر
- كل حاجة شغالة تمام من غير ما تعمل فورمات
- والأهم: مافيش أي فقد للبيانات أو الملفات.
الامر المذكور في الشرح
reg delete HKCU\SOFTWARE\Microsoft\Windows\CurrentVersion\IrisService /f && shutdown -r -t 0
لمشاهدة الفيديو: أضغط هنا
يبقى كده، لو كنت بتسأل:
"كيف يمكنني حل مشكلة اختفاء قائمة ابدأ في ويندوز 10 و 11؟"
فأنت دلوقتي معاك الحل النهائي، سهل وبسيط، ومن غير وجع دماغ الفورمات ولا فقدان ملفات.
جرب الطريقة، وهتدعيلي 🙌
ولو استفدت، متنساش تعمل شير علشان غيرك يستفيد.
@font-face {
font-family: 'YourFont';
src: url('yourfont.woff2') format('woff2');
font-display: swap;
}