مايكروسوفت تحذر حذف هذا المجلد inetpub
في الفترة الأخيرة، لاحظ عدد كبير من مستخدمي ويندوز ظهور مجلد جديد باسم inetpub على بارتشن C، وبدأت الأسئلة تتكرر: "هل هو فيروس؟ هل يجب حذفه؟". مايكروسوفت تحذر حذف هذا المجلد inetpub لأنه جزء أساسي من النظام الأمني الحديث. وغيابه قد يعرض جهازك لمخاطر وثغرات غير متوقعة.
في هذا المقال، هنعرفك على وظيفة مجلد inetpub، وليه مايكروسوفت أضافته في التحديثات الأخيرة، وإزاي تفعّله بنفسك لو مش موجود عندك. كمان هنعرض المخاطر اللي ممكن تواجهها لو حذفته بالغلط، وطريقة استرجاعه بخطوات بسيطة. تابع الشرح علشان تحافظ على حماية جهازك لأقصى درجة.
ما هو مجلد inetpub ولماذا تم إنشاؤه؟
مجلد inetpub هو فولدر بيتم إنشاؤه تلقائيًا على بارتشن C بعد تثبيت أحد مكونات نظام ويندوز المرتبطة بخدمة IIS (Internet Information Services). مايكروسوفت أضافت التحديث ده في إبريل 2025، بعد اكتشاف ثغرة أمنية خطيرة في نظام التشغيل.
ببساطة، المجلد ده بيعتبر جزء من التحديث اللي بيشتغل على تقوية الحماية ضد الاختراقات، ووجوده دليل على إن نظامك حصل على التحديث الأمني الأخير.
هل وجود مجلد inetpub يعني أن الجهاز مخترق؟
الإجابة باختصار: لأ خالص، وجود المجلد ده مش دليل على أي نوع من أنواع الاختراق. بالعكس، لو لقيته عندك، اعرف إن جهازك محمي بالتحديث الجديد من مايكروسوفت.
لكن لو ما لقيتش الفولدر ده، فده معناه إن المكون ده مش مفعّل عندك، ووقتها ممكن تضيفه يدويًا بكل سهولة.
خطوات إنشاء مجلد inetpub يدويًا لحماية جهازك
لو مش لاقي الفولدر ده، اتبع الخطوات دي:
افتح قائمة Start واكتب Control Panel واضغط Enter.
من خانة العرض (View by) اختار Category.
اختار Programs.
وبعدها اضغط على Turn Windows features on or off.
من القائمة اللي هتظهر، فعِّل الخيار المسمى Internet Information Services.
اضغط OK.
واستنى التثبيت، وبعدين اقفل النافذة.
أعد تشغيل الجهاز، وهتلاقي الفولدر ظهر عندك في بارتشن C.
تنبيه مهم: إياك تحذف مجلد inetpub
وجود المجلد ده مش بس مهم، ده ضروري لأمان جهازك، لأنه:
- بيحميك جزئيًا من الثغرة اللي اكتشفتها مايكروسوفت.
- بيساعد النظام على معالجة الثغرة الأمنية بشكل مستمر.
- يعتبر مكون أساسي لبعض الخدمات الخاصة بويندوز.
- ولو حذفته بالغلط؟ مفيش مشكلة، تقدر ترجعه تاني بنفس الخطوات اللي فوق.
لمشاهدة الفيديو: أضغط هنا
مجلد inetpub مش فيروس ولا اختراق، ده جزء من نظام الحماية في ويندوز بعد تحديث أبريل 2025. وجوده مفيد جدًا، ومتقلقش منه نهائيًا. لو مش موجود، فعل الـ IIS من إعدادات ويندوز وهيظهر عندك.
سيبه زي ما هو، علشان يحافظ على جهازك آمن
@font-face {
font-family: 'YourFont';
src: url('yourfont.woff2') format('woff2');
font-display: swap;
}