يعني إيه إنترنت الأشياء؟
إنترنت الأشياء أو زي ما بيتقال عليه بالإنجليزي Internet of Things (IoT)، هو ببساطة ربط كل الأجهزة اللي حوالينا ببعض عن طريق الإنترنت، ومن غير ما تحتاج تتحكم فيها بنفسك.
يعني الأجهزة ما بقتش مجرد حديد ومسامير، دي بقت بتفكر وتاخد قرارات، وبتنفذ كمان… وانت واقف تتفرج!
إزاي بتشتغل الفكرة دي؟
كل جهاز حوالينا – سواء كانت تلاجة، غسالة، مكنسة، أو حتى عربية – هيبقى له ID خاص بيه، والجهاز ده هيبدأ يتواصل مع غيره عن طريق الإنترنت.
الموضوع ما بيقفش هنا، لأ… بعد تبادل البيانات، بيتم تحليلها عن طريق الحوسبة السحابية (Cloud Service)، وبعد التحليل، الأجهزة تاخد أوامر مناسبة ليك وتنفذها بشكل ذكي ومن غير أي تدخل منك.
إيه اللي ساعد في انتشار إنترنت الأشياء؟
سرعة الإنترنت الخرافية (5G)
شبكات الجيل الخامس (5G) سرعتها أكبر من الجيل الرابع بـ 20 مرة، وكمان أكثر استقرار، وده خلّى التواصل بين الأجهزة أسرع من طرفة عين!
الكلاود سيرفس (Cloud Service)
ده المكان اللي كل البيانات بتروح له علشان تتحلل، ويتاخد منها قرارات ذكية بتساعد الأجهزة تشتغل بكفاءة وتناسب احتياجاتك.
الذكاء الاصطناعي (AI)
من غيره، مكنش هيبقى في "ذكاء" في الموضوع! هو اللي بيخلي الأجهزة تفهم البيانات، وتقرر تعمل إيه بناءً على حالتك وسلوكك.
لمشاهدة الفيديو: أضغط هنا
اللي كان زمان خيال علمي، النهارده بقى واقع. إنترنت الأشياء خلّى الأجهزة حوالينا "تفهمنا" وتتصرف من غير ما نطلب!
ولو عايز تعرف الموضوع بالتفصيل ومن البداية للنهاية، شوف المقالة الكاملة اللي شرحنا فيها إنترنت الأشياء بشكل موسّع بالأمثلة:
@font-face {
font-family: 'YourFont';
src: url('yourfont.woff2') format('woff2');
font-display: swap;
}