تحميل ويندوز 10 من مايكروسوفت مجانا
واضح إن سنة 2025 جاية ومعاها تغييرات كتير، وأكتر حاجة لفتت الأنظار إن الدعم الرسمي لنظام ويندوز 10 هيوقف تمامًا في شهر أكتوبر. وده معناه إن مايكروسوفت هتشيل النسخة الأصلية من على موقعها، ومش هتقدر بعدها تعمل تحميل ويندوز 10 من مايكروسوفت مجانا ولا حتى تلاقي ملف ISO سليم بسهولة.
في المقال ده هنعرف مع بعض إزاي تحمل النسخة الأصلية دلوقتي قبل ما الفرصة تضيع، خطوة بخطوة وبالصور، وكل ده من الموقع الرسمي لمايكروسوفت ومن غير لف ودوران.
إيه اللي هيحصل بعد وقف دعم ويندوز 10؟
مايكروسوفت أعلنت رسمي إن شهر أكتوبر 2025 هو آخر شهر فيه دعم لويندوز 10. وده معناه حاجتين:
مش هيبقى في تحديثات أمنية أو دعم فني للنسخة.
والأهم: هتشيل رابط تحميل ويندوز 10 من موقعها الرسمي، يعني مش هتقدر تجيب النسخة الأصلية من المصدر تاني.
ليه مهم تحمل ويندوز 10 من مايكروسوفت مجانا قبل الحذف؟
ناس كتير ممكن تقولك "حمّله من أي موقع تاني"، بس الحقيقة إن المواقع التانية ساعات بتبقى النسخة متعدّل فيها، أو ناقصة ملفات، أو حتى فيها مشاكل في التثبيت أو الفيروسات.
عشان كده لازم تستغل الفرصة وتحمل النسخة الأصلية قبل ما تتشال، خصوصًا إن الخطوات سهلة ومش هتاخد منك وقت.
خطوات تحميل ويندوز 10 من مايكروسوفت مجانا خطوة بخطوة
الدخول على الموقع الرسمي
هتدخل على موقع مايكروسوفت من الرابط اللي هتلاقيه في اسفل المقال.
هتلاقي زر اسمه Download Now، دوس عليه علشان تحمل أداة صغيرة اسمها "Media Creation Tool".
تشغيل أداة Media Creation Tool
بعد ما تنزل الأداة، شغّلها وهتستنى شوية ثواني.
هتختار من البداية: Create installation media وبعدها دوس Next.
اختيارات النسخة واللغة
هتلاقي اللغة ونوع النسخة والنواة مقفولين، شيل علامة الصح من "Use recommended options".
بعدها هتقدر تختار اللغة اللي تريحك: عربي، إنجليزي، فرنسي... زي ما تحب.
النسخة سِيبها على Windows 10.
بالنسبة للنواة (Architecture): اختار Both علشان تنزل 32 بت و 64 بت مع بعض وبعد كده اضغط Next.
اختيار ملف ISO
في الخطوة اللي بعدها، اختار إنك تحمل ISO File.
دوس على Next.
اختار مكان حفظ الملف على جهازك (زي الديسكتوب أو أي بارتيشن يعجبك).
دلوقتي هيبدأ تحميل ويندوز 10 الأصلي
بمجرد ما تضغط Save، الأداة هتبدأ تحمل ملف ISO الأصلي من مايكروسوفت، واللي فيه النسخة الكاملة من ويندوز 10، 32 و64 بت مع بعض.
المميز هنا إن الملف قانوني 100% ومفيهوش أي تعديل، وده هيضمن لك إن النسخة هتشتغل بكفاءة من غير أي مشاكل.
إزاي تستخدم ملف ISO بعد التحميل؟
عندك خيارين:
يا إما تحرقه على فلاشة باستخدام برنامج زي Rufus.
يا إما تفك الضغط عنه وتستخدمه كنسخة تثبيت من الهارد مباشرة (لو بتعرف تعمل كده).
نصايح مهمة قبل ما الدعم يتوقف
- احتفظ بالنسخة على هارد خارجي أو فلاشة علشان متضيعش.
- فعّل النسخة لو عندك سيريال قديم.
- نزّل الدرايفرات الأساسية بعد التسطيب علشان الأداء يبقى تمام.
رابط التحميل المذكور فى الشرح
لتحميل ويندوز 10 من مايكروسوفت مجانا خطوة بخطوة: أضغط هنا
لمشاهدة الفيديو: أضغط هنا
الفرصة دي مش هتتكرر، تحميل ويندوز 10 من مايكروسوفت مجانا بقى متاح لفترة محدودة جدًا. بعد أكتوبر، هتضطر تلف كتير علشان تلاقي نسخة سليمة.
لو بتفكر تفرمت جهازك قريب، أو حتى عايز تحتفظ بنسخة نظيفة للمستقبل، خليك ذكي ونزّل النسخة دلوقتي قبل فوات الأوان.
@font-face {
font-family: 'YourFont';
src: url('yourfont.woff2') format('woff2');
font-display: swap;
}