إزاي ترجع تصميم تطبيق الاتصال القديم على أندرويد بعد التحديث الجديد؟

في الفترة الأخيرة، ناس كتير لاحظت إن تطبيق الاتصال في موبايلات الأندرويد اتغير شكله فجأة بعد آخر تحديث، وده خلى أغلب المستخدمين مش مرتاحين مع الشكل الجديد.

إزاي ترجع تصميم تطبيق الاتصال القديم على أندرويد بعد التحديث الجديد؟

علشان كده، في المقال ده هنشرح خطوة بخطوة إزاي تعمل استرجاع تصميم قديم لتطبيق الاتصال أندرويد بسهولة ومن غير أي برامج خارجية.

ليه الناس بتدور على استرجاع تصميم قديم لتطبيق الاتصال أندرويد؟

• التحديث الجديد غيّر شكل التطبيق بشكل ملحوظ.
• بعض الناس شايفة إن الشكل الجديد معقد ومش عملي.
• الألوان بقت مختلفة ومش مريحة للعين.
• ترتيب الأسماء وأزرار الاتصال اتبدل، فالموضوع بقى مربك شوية.

علشان كده الناس بدأت تدور على طريقة ترجع بيها الشكل القديم اللي كانت متعودة عليه وسهل في الاستخدام.

المميزات اللي كانت في التصميم القديم لتطبيق الاتصال

• الشكل كان بسيط وواضح.
• الأزرار كبيرة وسهلة في الوصول.
• الأداء كان أسرع ومفيش تهنيج.
• الألوان مريحة للعين.

التصميم القديم كان مميز فعلاً، وعشان كده ناس كتير عايزة استرجاع تصميم قديم لتطبيق الاتصال أندرويد من غير ما تخسر أي بيانات.

خطوات إلغاء التحديث الجديد لتطبيق الاتصال

الخطوات سهلة جدًا، وهنمشي فيها واحدة واحدة علشان مفيش حاجة تغيب عنك

افتح قائمة التطبيقات في الموبايل.

لو مش شايف تطبيق "الهاتف" (Phone) ظاهر، روح على الإعدادات → التطبيقات.

 دور على تطبيق "الهاتف" واضغط عليه ضغطة طويلة.

اختار معلومات التطبيق (App info).

انزل شوية لتحت، وهتلاقي اختيار اسمه إلغاء تثبيت التحديثات – Uninstall updates.

اضغط عليه، وبعدها اختار "حسنًا" أو "OK" لما يطلب تأكيد.

كده انت فعليًا لغيت كل التحديثات، وهيبدأ التطبيق يرجع لشكل التصميم القديم اللي كنت متعود عليه قبل التحديث الجديد.

النتيجة بعد تنفيذ الخطوات

بعد ما تخلص الخطوات اللي فوق، افتح تطبيق الاتصال وهتلاحظ التالي

• الشكل القديم رجع زي ما كان.
• الأيقونات بقت أوضح.
• الترتيب والواجهة راجعين طبيعي.

وده معناه إنك نجحت في استرجاع تصميم قديم لتطبيق الاتصال أندرويد بخطوات بسيطة وسريعة جدًا.

نصيحة مهمة بعد استرجاع التصميم القديم

علشان الشكل الجديد ما يرجعش تاني، اعمل الخطوة دي

• افتح متجر Google Play.
• دور على تطبيق الهاتف (Phone).
• اضغط على الثلاث نقط فوق.
• اختار "إيقاف التحديث التلقائي" – Disable auto-update.

كده مش هيجيلك التحديث الجديد تاني من غير ما تعرف، وهيفضل التصميم القديم شغال معاك زي الفل.

لمشاهدة الفيديو: أضغط هنا

وفي النهاية، كده تكون رجعت الشكل القديم لتطبيق الاتصال في الأندرويد بسهولة وبدون أي مشاكل.

الطريقة دي بسيطة وآمنة ومجربة، ومش هتأثر على باقي التطبيقات في الموبايل.

قولّي في التعليقات:

هل فعلاً شايف إن الشكل القديم أحسن؟

ولا حبيت التحديث الجديد؟

لو شايف إن المقال أفادك، شاركه مع أصحابك اللي عايزين يعملوا استرجاع تصميم قديم لتطبيق الاتصال أندرويد بسهولة وبالطريقة الصح.